Ffestiniog360

Tîm photo



Ffestiniog 360:

Glaw, tap, Gai Toms ac Anweledig, pethau sy’n cael eu cysylltu â Blaenau Ffestiniog.  Ond ar fore hyfryd ddoe Mai 27fed, roedd yr awyr yn las ac nid oedd smotyn o law ar y gorwel.

Roedd wyth aelod o  Glwb Seiclo Madog yn cymryd rhan yn yr ail Ffestiniog360, sef her o 62 filltir ar feic rownd Eryri.  Y reid hon oedd ‘début’ cit seiclo’r clwb.

Roedd yr her agoriadol blwyddyn ddiwethaf wedi mynd yn groes i’r cloc, blwyddyn yma roedd yn cymryd cyfeiriad clocwedd, sef i lawr am Fanod cyntaf, a gorffen i fyny ‘r Crimea -ouch!   Roedd Clive Aspden yn bendant na bai fi oedd hyn oherwydd wnes ei awgrymu, cymerai’r bai;-)

Roedd dau aelod o’r clwb wedi cychwyn am 08.30, yr hogiau sydyn oedd y rhain, roedd y gweddill ohonom am fynd fel criw a chymered ein hamser.   Roedd yr ardal tu allan i westy Tŷ Gorsaf yn llawn bwrlwm gyda phawb yn tynnu lluniau ar fore mor hyfryd, roedd y seiclwyr yn gwirio ei beiciau a llenwi eu pocedi gyda bwyd am y reid.

Golygfeydd

Gwnaethom ni fynd  lawr allt Manod am Faentwrog a throi’r dde am Ryd.  Hon roedd yr her gyntaf ac roedd pawb wedi distewi  wrth ddringo i dop Rhyd.  Roedd y reid yn eithaf gwastad wedyn tan y ddringfa o Feddgelert i Ryd Ddu, gyda chopa’r Wyddfa i’r dde yn ei holl ysblander.  Mae’r ffordd wedyn yn rhoi cyfle i gael dipyn o gyflymdra’u tan y tro yn Waunfawr am Geunant.  Mae’r allt lawr i Lanrug yn wych i gael cyflymdra’u ond mae’n eitha technegol.  Mae’r golygfeydd yn y fan hon yn wych , gydag ynys Môn yn y pellter ar mor yn disgleirio.  Cyrhaeddom ni'r stop diod cyntaf ym Mrynrefail ,oedd problem yn fan hon, roedd Paul French ar goll!   Ar ôl tua deng munud mi gyrhaeddodd, oedd yn meddwl bod Clive ar goll - ac wedi aros amdano. Chwarae teg iddo - ond ??

Gwynt

Roedd drag caled wedyn am gylchfan Llandegai, roedd y galon yn gweithio rŵan, ond roedd gwaeth i ddod.  Roedd y lôn o Fethesda i Lyn Ogwen yn dorgalonus, gyda gwynt blaen cryf.  Roedd  yr ail stop dŵr ger y Llyn yn groesawus.

Llyn Ogwen

Ar ôl y stop yma roedd adeg gorau o’r reid, gyda’r GPS wedi colli’r signal yn ardal Tregarth, roedd y nôl ar y lôn yma.   O Lyn Ogwen i Fetws y Coed roedd cyfartaledd ni’n 26.6 m.y.a.!   Roedden fel Tîm Sky yn gwibio mewn llinell a helpu’n gilydd wrth gymryd tro yn y blaen -  Profiad byth cofiadwy.  Ar ôl y profiad gwych, oedd  hunllef  ar y gorwel gyda gwynt blaen eto’r holl ffordd i Ddolwyddelan.  Roedd pawb angen panad yn y fan hon cyn rhiw Crimea, roedd hyn yn dric sâl gan y trefnwyr, y Crimea ar ôl dros bumdeg milltir yn y coesau - creulon,

            Ffwrdd a ni am her olaf y reid.  Roedd un seiclwr yn cerdded i fyny’r allt, roedd y gwynt yn chwythu’n hwynebau ac nid oedd llawer o siarad!   Rwyf wedi dringo’r Crimea llawer gwaith, ac roeddwn eith falch o gyrraedd y copa a chael disgyn lawr  i Flaenau lle'r oedd bara brith yn aros amdanom ni, a chyfle i rannu ein storiâu ân brofiadau.

Ystadegau:

Cymryd rhan -300

 64.5 milltir

4awr 18 munud amser reidio

14.8 cyfartaledd

Llwyth o jelly babies

Fig rolls

 Dŵr

Positifau – pris mynediad £12

Stop Brynrefail wedi ei symud o’r briffordd

Negyddol

Dim marsial yn dro ger Pentir

Stop dŵr Betws - anhrefn( angen rhywle arall )

Dim crys -t pe bai chi heb gofrestru yn gynnar!

Gwynt, gwynt a gwynt